الكروشيه بالاضافة الى انه فن جميل وراقي , الا انه مسلي جدا وبيدى احساس بالانجاز لأنه من المشغولات اليدوية النادرة اللى الشغل فيها بتبان نتيجته بسرعة .
ده غير ان الكروشيه يدوى بس ، يعنى اللى هتعمليه تأكدى ان مفيش أى ماكينة في العالم هتقدر تعمل زيه واعتقد مفيش وقت مناسب لتعليم الكروشيه افضل من بداية الشتاء ، عشان نعمل اللكاليك والاسكارفات والشالات والايس كاب وكل الحاجات اللى ممكن نشتريها بأسعار أغلي كتير من أسعار الخيوط اللى مشغولة منها.
وكمان الكروشيه يتميز انك ممكن تشتغليه فى أى مكان واى وقت في البيت قدام التليفزيون وحتى في العربية لو في مشوار طويل مع زوجك مثلا
كدة اقنعتك ليه تتعلمى كروشيه ، نبدء نحضر نفسنا لتعلم الكروشيه:
الكروشيه مش محتاج منك أدوات غير الابرة والخيط وهنعرف سوا ايه الابرة المناسبة للخيط المناسب.
الابر:
في انواع كتيرة للابر بس ممكن نختصرهم في الابر الالومونيوم والابر الاستانلس
الابر الالومونيوم بتكون ملونة وشكلها كدة:
اما الابر الاستانلس فلونها فضى ولامعة بشكل عام وشكلها كدة :
كما ظهرت حديثا انواع من الابر بيد من السليكون او البلاستيك وشكلها كدة :
وتتراوح مقاسات الابر من رقم 0 حتى رقم 14
طيب امتى نستخدم الالومونيوم وامتى نستخدم الاستانلس وازاى نختار رقم الابرة ؟ هنجاوب الاسئلة دى فى الجزء الخاص بالخيوط
الخيوط :
الخيوط يمكن تقسيم انواعها من غير تغقيدات لخيوط قطن ودى بتكون ناعمة ورفيعة وخيوط صوف بتكون اتخن ، لكن فى الحقيقة التقسيم معقد اكثر لان القكن فى منه انواع 100% وانواع داخل معاها حاجات تانية والصوف كذلك عشان كدة ممكن مع الخبرة هنقدر نقسم الخيوط لخيوط رفيعة للصيف زى كدة :
وخيوط من الصوف او الاكلريك تنفع للشتاء زى كدة:
الخيط المناسب للابرة المناسبة:
الخيوط الصيفى بنستعمل معاها الابرة الاستانلس والخيوط الشتور بنستعمل معاها الابرة الالومونيوم
وبالنسبة لمقاسات الابر المناسبة مع الخيط فبتكون موجودة على الورقة الخاصة بالخيط فى كل الانواع بالشكل ده
وممكن تسألى فى محل الخيوط كمان هيساعدوكى جدا
خطوات تعلم الكروشيه:
للتجربة والتعليم أنصحك بخيط صوف مصرى ميكونش غالى لانك هتشتغلى وتفكى فى الاول اكتر من مرة وابرة الومونيوم مناسبة للخيط
اتفرجى على فيديوهات ومواقع بتشرح الطرق المختلفة للغرز والخطوات وده موجود بكثرة سواء بحثتى بالعربى او بالانجليزى وادخلى على قناتنا على اليوتيوب هتلاقى حاجات تساعدك
https://www.youtube.com/channel/UCsKYYywknPlK-hjIhBBx12w
المرحلة التالية :انك تقرأى باترونات الكروشيه وهى منقسمة لنوعين باترونات مكتوبة وباترونات مرسومة المكتوبة بتكون للغرز اسماء مختصرة والباترون بيذكر اسماء الغرز وكام غرزة بالتفصيل اما الباترونات المرسومة ففيها الغرز لها رموز معينة بتتحفظ بسهولة وسنتناول هذا الموضوع فى مقال لاحق ان شاء الله.
المهم فى مرحلة التعليم واللى هيخليكم تنفذوا اى حاجة تخطر على بالكم بسهولة نقطتين :
1- انكم تربطوا من البداية بين الغرزاللى بتتعلموها وبين شكلها فى الباترون واختصارها فى الباترون المكتوب.
2- الخيال : لازم يكون خيالكم واسع بحيث تقدروا تتصورا الحاجة اللى بتعملوها والغرز دى هتشكلها ازاى ومع الوقت هتقدروا تشتغلوا من مجرد صورة وبدون باترون.
خطوات هامة لبداية التعلم:
اول ما تتعلمى الكروشيه هتحسي انك عايزة تتعلمى كل حاجة خصوصا لو دخلتى على صور جوجل واليوتيوب ، بس عشان ميتحولش حماسك لاحباط ابدءى بحاجات بسيطة تقدرى تنجحى فيها وهتلاقى فى المنتديات العربية ورش عمل حاجات كتير بالصور والتفاصيل .
ومن الحاجات السهلة اللى ممكن تعمليها فى الاول الايس كاب والاسكارفات وبعد كدة هتقدرى تعملى كل حاجة.
وفى النهاية الكروشيه من أجمل الفنون اللى فعلا ممكن تحسسك انك مفيدة ومنجزة وفنانة ومتميزة.
ده غير ان الكروشيه يدوى بس ، يعنى اللى هتعمليه تأكدى ان مفيش أى ماكينة في العالم هتقدر تعمل زيه واعتقد مفيش وقت مناسب لتعليم الكروشيه افضل من بداية الشتاء ، عشان نعمل اللكاليك والاسكارفات والشالات والايس كاب وكل الحاجات اللى ممكن نشتريها بأسعار أغلي كتير من أسعار الخيوط اللى مشغولة منها.
وكمان الكروشيه يتميز انك ممكن تشتغليه فى أى مكان واى وقت في البيت قدام التليفزيون وحتى في العربية لو في مشوار طويل مع زوجك مثلا
كدة اقنعتك ليه تتعلمى كروشيه ، نبدء نحضر نفسنا لتعلم الكروشيه:
الكروشيه مش محتاج منك أدوات غير الابرة والخيط وهنعرف سوا ايه الابرة المناسبة للخيط المناسب.
الابر:
في انواع كتيرة للابر بس ممكن نختصرهم في الابر الالومونيوم والابر الاستانلس
الابر الالومونيوم بتكون ملونة وشكلها كدة:
وتتراوح مقاسات الابر من رقم 0 حتى رقم 14
طيب امتى نستخدم الالومونيوم وامتى نستخدم الاستانلس وازاى نختار رقم الابرة ؟ هنجاوب الاسئلة دى فى الجزء الخاص بالخيوط
الخيوط :
الخيوط يمكن تقسيم انواعها من غير تغقيدات لخيوط قطن ودى بتكون ناعمة ورفيعة وخيوط صوف بتكون اتخن ، لكن فى الحقيقة التقسيم معقد اكثر لان القكن فى منه انواع 100% وانواع داخل معاها حاجات تانية والصوف كذلك عشان كدة ممكن مع الخبرة هنقدر نقسم الخيوط لخيوط رفيعة للصيف زى كدة :
الخيط المناسب للابرة المناسبة:
الخيوط الصيفى بنستعمل معاها الابرة الاستانلس والخيوط الشتور بنستعمل معاها الابرة الالومونيوم
وبالنسبة لمقاسات الابر المناسبة مع الخيط فبتكون موجودة على الورقة الخاصة بالخيط فى كل الانواع بالشكل ده
خطوات تعلم الكروشيه:
للتجربة والتعليم أنصحك بخيط صوف مصرى ميكونش غالى لانك هتشتغلى وتفكى فى الاول اكتر من مرة وابرة الومونيوم مناسبة للخيط
اتفرجى على فيديوهات ومواقع بتشرح الطرق المختلفة للغرز والخطوات وده موجود بكثرة سواء بحثتى بالعربى او بالانجليزى وادخلى على قناتنا على اليوتيوب هتلاقى حاجات تساعدك
https://www.youtube.com/channel/UCsKYYywknPlK-hjIhBBx12w
المرحلة التالية :انك تقرأى باترونات الكروشيه وهى منقسمة لنوعين باترونات مكتوبة وباترونات مرسومة المكتوبة بتكون للغرز اسماء مختصرة والباترون بيذكر اسماء الغرز وكام غرزة بالتفصيل اما الباترونات المرسومة ففيها الغرز لها رموز معينة بتتحفظ بسهولة وسنتناول هذا الموضوع فى مقال لاحق ان شاء الله.
المهم فى مرحلة التعليم واللى هيخليكم تنفذوا اى حاجة تخطر على بالكم بسهولة نقطتين :
1- انكم تربطوا من البداية بين الغرزاللى بتتعلموها وبين شكلها فى الباترون واختصارها فى الباترون المكتوب.
2- الخيال : لازم يكون خيالكم واسع بحيث تقدروا تتصورا الحاجة اللى بتعملوها والغرز دى هتشكلها ازاى ومع الوقت هتقدروا تشتغلوا من مجرد صورة وبدون باترون.
خطوات هامة لبداية التعلم:
اول ما تتعلمى الكروشيه هتحسي انك عايزة تتعلمى كل حاجة خصوصا لو دخلتى على صور جوجل واليوتيوب ، بس عشان ميتحولش حماسك لاحباط ابدءى بحاجات بسيطة تقدرى تنجحى فيها وهتلاقى فى المنتديات العربية ورش عمل حاجات كتير بالصور والتفاصيل .
ومن الحاجات السهلة اللى ممكن تعمليها فى الاول الايس كاب والاسكارفات وبعد كدة هتقدرى تعملى كل حاجة.
وفى النهاية الكروشيه من أجمل الفنون اللى فعلا ممكن تحسسك انك مفيدة ومنجزة وفنانة ومتميزة.